புறாநானூறு 187 பாடல் பொருள் விளக்கம்

-


புறநானூறு 187

பாடியவர் : ஒளவையார்

திணை: பொதுவியல்

திணை விளக்கம் : பொதுவியல் திணை என்பது வெட்சி முதல் பாடாண் வரையிலான ஒன்பது திணைகளில் அடக்கிக் கூறமுடியாத பொதுவான செய்திகளைக் கூறும் திணை. இது யாப்பு முதலான பிற இலக்கண நூல்களில் இடம்பெறுகிற ஒழிபியல் போன்றது ஆகும்.

துறை: பொருண்மொழிக் காஞ்சி

துறை விளக்கம் : சான்றோர் அனுபவத்தில் உணர்த்தும் உரைக்கும் உண்மைப் பொருளைப் புலவர் தம் பாடற் பொருளாகக் கொண்டு பாடுவது பொருண்மொழிக் காஞ்சி ஆகும். காஞ்சி என்றாலே நிலையாமையைக் குறிக்கும். உலகின் நிலையாமையை உணர்ந்து பொருளின் மீது கொண்ட பற்றினைத் துறந்து அருள் உள்ளம் கொண்டு வாழ்வதைக் குறித்துப் பாடும் பாடல்கள் இத்துறைக்குள் அடங்கும்.

ஆடவரது ஒழுக்கமே உலக மேம்பாட்டிற்கு அடிப்படை என்று  விளக்குவதால் இது  பொருண்மொழிக்காஞ்சித் துறை ஆனது.

நாடா கொன்றோ காடா கொன்றோ

அவலா கொன்றோ மிசையா கொன்றோ

எவ்வழி நல்லவர் ஆடவர்

அவ்வழி நல்லை  வாழிய நிலனே

ஆடவரின் சிறப்பு நிலத்திற்கு மேன்மை உண்டாக்கும் என்று குறிப்பிடும் புறநானூறுப் பாடலை விளக்குக.

                                                           (அல்லது)

நிலத்தின் உயர்வு (மேன்மை, பெருமை) எதைப் பொறுத்து அமையும் என்று விளக்கும் புறநாறூறுப் பாடலை விளக்குக. 

   (அல்லது)

ஆடவர் பண்பினால் சிறப்புடையவர்களாக இருக்க வேண்டும் என்று குறிப்பிடும் புறநானூறுப் பாடலைக் குறிப்பிடுக.

  • நாடாக இருந்தாலும், காடாக இருந்தாலும், தாழ்ந்த நிலமாக (அவலாக - பள்ளமாக) இருந்தாலும், மேடான நிலமாக (மிசையாக) இருந்தாலும், எவ்விடத்தில் ஆடவர் நல்லவராய் விளங்குகின்றனரோ, அவ்விடம் பெருமை பெற்றுத் திகழும் . 
  • அந்நிலத்தை அனைவரும் போற்றி உரைப்பர். ஒரு நாடு சிறப்புப் பெறக் காரணமாக இருப்பது அந்நாட்டில் வாழும் ஆடவர்கள் தான் என்பதைக் குறுந்தொகைப் பாடல் விளக்குகிறது.
  •  ஒரு நாடு என்பது மருதம் (வயல் பகுதி), முல்லை (காட்டுப்பகுதி),  நெய்தல் (கடல், அவல் - பள்ளம்)  குறிஞ்சி (மலை, மிசை - மேடு) என்னும் நால்வகை நிலங்களும் இணைந்து காணப்படும் நிலப்பரப்பு ஆகும். 
  • நிலத்தின் தன்மைக்கேற்ப மக்கட்பண்பு அமைவது வழக்கம் ஆகும். அத்தகைய மக்களின் பண்புகள் மேன்மை பெற்றிருக்க வேண்டும் என்பதும் அவ்வாறு இருந்தால்தான் நாடு வளம் பெற்றுப் சிறப்புப் பெறும் என்பதும் இப்பாடல் உணர்த்தும் கருத்து ஆகும்.

..........................................................................





                     

                     



கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

இருபதாம் நூற்றாண்டு மரபுக் கவிஞர்கள் மற்றும் மரபுக் கவிதைகள் வளர்ச்சி

-
  மரபுக் கவிதைகள் தோற்றமும் வளர்ச்சியும் முன்னுரை மரபுக்கவிதை காலத்தால் முந்தியது. பல்வேறு இலக்கிய நூல்களாக இருபது நூற்றாண்டுகளுக்கும் மேலாகத் தழைத்து விளங்கும் சிறப்புடையது. இத்தகைய சிறப்பு உடைய மரபுக்கவிதைகளைப் படைத்த இருபதாம் நூற்றாண்டு கவிஞர்கள் இக்கட்டுரை விளம்புகிறது. தோற்றம் நமக்குக் கிடைத்துள்ள நூல்களுள் மிகவும் தொன்மையானதாக விளங்குவது தொல்காப்பியம் என்னும் இலக்கண நூலாகும். இந்நூல் மூவாயிரம் ஆண்டுகளுக்கு முற்பட்டதாகக் கருதப் பெறுகின்றது. இதற்கும் முந்தையனவாக இலக்கண நூல்கள் இருந்திருக்கின்றன. அவ்விலக்கண நூல்கள் ‘எள்ளிலிருந்து எண்ணெய் எடுக்கப்படுவது போல ’ இலக்கியத்திலிருந்து இலக்கண நூல்கள் ஏற்படுகின்றன என்னும் விதிக்கு இணங்க, செய்யுள் என்னும் கவிதை வடிவம் ஐயாயிரத்திற்கும் மேற்பட்ட ஆண்டுக்காலத் தொன்மையுடையது என உறுதிபடக் கூறலாம். வெண்பா, ஆசிரியப்பா, கலிப்பா, பரிபாடல் ஆகிய யாப்பு வகைகளின் இலக்கணங்களைப் பின்பற்றிப் பாடும் கவிதைகள் மரபுக் கவிதைகள் ஆகும்.   பாக்களையடுத்துப் பாவினங்களும், அவற்றையடுத்துக் கும்மி, சிந்து போன்றனவும் மரபுக் கவிதை வடிவங்களில் பயன்படுத்தப்...
மேலும் படிக்கவும்

III SEM - TWO MARKS QUESTION & ANSWER

-
மூன்றாம் பருவம்  இரண்டு மதிப்பெண் வினா விடைகள் 1. தொல் தமிழர் வரலாற்றை அறிய உதவும் சான்றுகள் யாவை? வரலாற்றுக்கு முந்திய காலம் தொல் தமிழர் காலம் இக்காலத்தில் வாழ்ந்த மனிதன் விட்டுச் சென்ற படிமங்கள், எலும்புக்கூடுகள் புதைப்பொருள்கள்  ஆகியன தொல் தமிழர்களின் வரலாற்றை அறிய உதவுகின்றன. 2. வரலாற்றுக்கு முற்பட்ட காலத்தின் மூன்று வகைப் பிரிவுகள் யாவை?  பழைய கற்காலம் (கி. மு. 1000 - கி.மு. 40000) புதிய கற்காலம் (கி.மு. 3000 - கி.மு. 1500) உலோகக் காலம் (கி.மு. 1500 - கி.மு. 600) 3. தமிழகத்தில் கிடைத்த பழங்கற்காலக் கருவிகள் யாவை? கற்கோடரிகள் உளிகள் கூழாங்கற்கள் 4.  பழங்கற்காலக் கருவிகள் கிடைத்த இடங்களைக் குறிப்பிடுக. சென்னை பல்லாவரம் காஞ்சிபுரம் திருவள்ளூர் வேலூர் மதுரை 5. பழங்கற்கால மக்கள் வாழ்ந்த இடங்கள் யாவை? வட இந்தியாவின் சிவாலிக் குன்றுகள் மத்தியபிரதேசம் பிம்பேட்கா நர்மதை பள்ளத்தாக்கு ஆந்திரா கர்நூல் சென்னை அத்திரம்பாக்கம் 6. தமிழகத்தில் கிடைத்த புதிய கற்காலக் கருவிகள் யாவை?  கல்மணிகள் தாயத்துகள் 7. பண்டைத் தமிழர்கள் வணிகத் தொடர்பு கொண்டிருந்த நாடுகள...
மேலும் படிக்கவும்

சிற்றிலக்கியம் தோற்றம் வளர்ச்சி

-
                                              சிற்றிலக்கியம் தோற்றம் வளர்ச்சி தமிழ் இலக்கிய வரலாற்று மரபில் ஒவ்வொரு காலகட்டத்திலும் ஒவ்வொரு இலக்கிய வகை மரபு தோன்றிக்கொண்டிருப்பதினைக் காணலாம். சங்க இலக்கியம், நீதி இலக்கியம், காப்பிய இலக்கியம், பக்திஇலக்கியம் போன்று சிற்றிலக்கியமும் ஓர் இலக்கிய வகையாகத் தமிழ் இலக்கிய வரலாற்றில் தனித்த இடம்பெற்றுத் திகழ்கின்றது. Ø   அறம், பொருள், இன்பம், வீடு என்னும் நான்கு உறுதிப் பொருள்களையும் வலியுறுத்தி மக்களை நல்வழிப்படுத்தும் இலக்கியங்கள் பேரிலக்கியங்கள் எனப்படுகின்றன. Ø   இந்நான்கு உறுதிப் பொருள்களுள் ஒன்றையோ சிலவற்றையோ கொண்டு குறைந்த பாடல் எண்ணிக்கையில் அல்லது அடிகளின் எண்ணிக்கையில்     சிற்றிலக்கியம் எனலாம். Ø   அகப்பொருள், அல்லது புறப்பொருளில் ஏதேனும் ஒரு துறையைப் பற்றியதாக அமையும். Ø   கோவை போன்ற சில சிற்றிலக்கியங்கள் பல துறைகளைக் கொண்டும் காணப்பெறுகின்றன. Ø   சிற்றிலக...
மேலும் படிக்கவும்