புறநானூறு பாடல் 189 பொருள் விளக்கம்

-


                                 புறநானூறு 189

பாடியவர் : மதுரைக் கணக்காயனார் மகனார் நக்கீரனார்

திணை: பொதுவியல்

திணை விளக்கம் : பொதுவியல் திணை என்பது வெட்சி முதல் பாடாண் வரையிலான ஒன்பது திணைகளில் அடக்கிக் கூறமுடியாத பொதுவான செய்திகளைக் கூறும் திணை. இது யாப்பு முதலான பிற இலக்கண நூல்களில் இடம்பெறுகிற ஒழிபியல் போன்றது ஆகும்.

துறை: பொருண்மொழிக் காஞ்சி

துறை விளக்கம் : சான்றோர் அனுபவத்தில் உணர்த்தும் உரைக்கும் உண்மைப் பொருளைப் புலவர் தம் பாடற் பொருளாகக் கொண்டு பாடுவது பொருண்மொழிக் காஞ்சி ஆகும். காஞ்சி என்றாலே நிலையாமையைக் குறிக்கும். உலகின் நிலையாமையை உணர்ந்து பொருளின் மீது கொண்ட பற்றினைத் துறந்து அருள் உள்ளம் கொண்டு வாழ்வதைக் குறித்துப் பாடும் பாடல்கள் இத்துறைக்குள் அடங்கும்.

ஈதலாகிய அறத்தை விளக்குவதால் இப்பாடல்  பொருண்மொழிக்காஞ்சித் துறை ஆனது.

            

தெண்கடல் வளாகம் பொதுமை இன்றி

            வெண்குடை நிழற்றிய ஒருமையோர்க்கும்    

நடுநாள் யாமத்தும் பகலும் துஞ்சான்

கடுமாப் பார்க்கும் கல்லா ஒருவற்கும்,

உண்பது நாழி; உடுப்பவை இரண்டே

பிறவும் எல்லாம் ஓரொக் குமே;

அதனால், செல்வத்துப் பயனே ஈதல்;

துய்ப்பேம் எனினே, தப்புந போலவே!


செல்வத்தின் பயனைக் குறிப்பிடும் புறநானூறுப் பாடலை எழுதுக.

                                    (அல்லது)

உலகில் உள்ள மக்கள் அனைவரும் சமம் என்பதை விளக்கும் புறநானூற்றுப் பாடலைக் குறிப்பிடுக.

                                    (அல்லது)

நக்கீரனார் பாடிய புறநானூற்றுப் பாடலின் பொருளை விளக்கி எழுதுக. 

  •        தெளிந்த கடல் சூழ்ந்திருக்கும் உலகம் அனைத்தையும் பிறருக்கு உரிமை இல்லாமல் தனக்கு மட்டும் உரிமையாகக் கொண்டவன்
  • அவன் இவ்வுலகம் முழுவதும் தன் வெண்கொற்றக் குடைக்கீழ்க் கொண்டு வந்து ஆட்சி செய்பவன் 
  • அவன் இந்நாட்டின் அரசன் என்று அனைவராலும் புகழும் பெருமையுடையவன்
  • பகல் இரவு என்று பாராமல் நள்ளிரவிலும் உணவுக்காக விலங்குகளைத் தேடிச் செல்பவன்
  • கல்வி கற்காமல் விலங்குகளையே வேட்டையாடும் சிந்தனையில் திரிந்து கொண்டிருப்பவன். 
  • இவ்வாறு அரசனாகப் பிறர் மதிக்கும் பெருமை கொண்டு வாழ்பவனாக இருந்தாலும், பிறர் இகழும் தொழிலைச் செய்யும் கல்லாத வேடனாக இருந்தாலும் இருவர்க்கும் இவ்வுலகம் ஓரே விதியைத் தான் கொண்டு இவ்வுலகம் இயங்குகிறது. 
  • இருவரும் உண்பது ஒரு படி உணவு. மேல் கீழ் என்று உடுத்துவது இரண்டே ஆடைகள். 
  • பிறவற்றை எண்ணிப் பார்த்தாலும் இருவர் நுகர்வும் ஒன்றாகவே உள்ளது.
  •  அப்படி இருக்கும்போது செல்வத்தைச் சேர்த்து வைத்து என்ன செய்யப் போகிறோம்.
  •  நாம் மட்டுமே பயன்படுத்தும் என்றால் மற்ற அறச்செயல்கள் எல்லாம் அவனை விட்டு நீங்கிச் சென்று விடும். 
  • அதனால் நம் பெற்ற செல்வத்தின் பயனாகக் பிறருக்குக் கொடுக்கும்  ஈதல் ஒன்றே மேற்கொண்டு நடக்க வேண்டும்
  •  அதாவது, தாம் மட்டும் அனுபவிக்க எண்ணினால் அச்செல்வத்தினால் வரும் பயன்கள் பலவற்றையும் இழக்க நேரிடும் 
  •  ................................................................

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

இருபதாம் நூற்றாண்டு மரபுக் கவிஞர்கள் மற்றும் மரபுக் கவிதைகள் வளர்ச்சி

-
  மரபுக் கவிதைகள் தோற்றமும் வளர்ச்சியும் முன்னுரை மரபுக்கவிதை காலத்தால் முந்தியது. பல்வேறு இலக்கிய நூல்களாக இருபது நூற்றாண்டுகளுக்கும் மேலாகத் தழைத்து விளங்கும் சிறப்புடையது. இத்தகைய சிறப்பு உடைய மரபுக்கவிதைகளைப் படைத்த இருபதாம் நூற்றாண்டு கவிஞர்கள் இக்கட்டுரை விளம்புகிறது. தோற்றம் நமக்குக் கிடைத்துள்ள நூல்களுள் மிகவும் தொன்மையானதாக விளங்குவது தொல்காப்பியம் என்னும் இலக்கண நூலாகும். இந்நூல் மூவாயிரம் ஆண்டுகளுக்கு முற்பட்டதாகக் கருதப் பெறுகின்றது. இதற்கும் முந்தையனவாக இலக்கண நூல்கள் இருந்திருக்கின்றன. அவ்விலக்கண நூல்கள் ‘எள்ளிலிருந்து எண்ணெய் எடுக்கப்படுவது போல ’ இலக்கியத்திலிருந்து இலக்கண நூல்கள் ஏற்படுகின்றன என்னும் விதிக்கு இணங்க, செய்யுள் என்னும் கவிதை வடிவம் ஐயாயிரத்திற்கும் மேற்பட்ட ஆண்டுக்காலத் தொன்மையுடையது என உறுதிபடக் கூறலாம். வெண்பா, ஆசிரியப்பா, கலிப்பா, பரிபாடல் ஆகிய யாப்பு வகைகளின் இலக்கணங்களைப் பின்பற்றிப் பாடும் கவிதைகள் மரபுக் கவிதைகள் ஆகும்.   பாக்களையடுத்துப் பாவினங்களும், அவற்றையடுத்துக் கும்மி, சிந்து போன்றனவும் மரபுக் கவிதை வடிவங்களில் பயன்படுத்தப்...
மேலும் படிக்கவும்

III SEM - TWO MARKS QUESTION & ANSWER

-
மூன்றாம் பருவம்  இரண்டு மதிப்பெண் வினா விடைகள் 1. தொல் தமிழர் வரலாற்றை அறிய உதவும் சான்றுகள் யாவை? வரலாற்றுக்கு முந்திய காலம் தொல் தமிழர் காலம் இக்காலத்தில் வாழ்ந்த மனிதன் விட்டுச் சென்ற படிமங்கள், எலும்புக்கூடுகள் புதைப்பொருள்கள்  ஆகியன தொல் தமிழர்களின் வரலாற்றை அறிய உதவுகின்றன. 2. வரலாற்றுக்கு முற்பட்ட காலத்தின் மூன்று வகைப் பிரிவுகள் யாவை?  பழைய கற்காலம் (கி. மு. 1000 - கி.மு. 40000) புதிய கற்காலம் (கி.மு. 3000 - கி.மு. 1500) உலோகக் காலம் (கி.மு. 1500 - கி.மு. 600) 3. தமிழகத்தில் கிடைத்த பழங்கற்காலக் கருவிகள் யாவை? கற்கோடரிகள் உளிகள் கூழாங்கற்கள் 4.  பழங்கற்காலக் கருவிகள் கிடைத்த இடங்களைக் குறிப்பிடுக. சென்னை பல்லாவரம் காஞ்சிபுரம் திருவள்ளூர் வேலூர் மதுரை 5. பழங்கற்கால மக்கள் வாழ்ந்த இடங்கள் யாவை? வட இந்தியாவின் சிவாலிக் குன்றுகள் மத்தியபிரதேசம் பிம்பேட்கா நர்மதை பள்ளத்தாக்கு ஆந்திரா கர்நூல் சென்னை அத்திரம்பாக்கம் 6. தமிழகத்தில் கிடைத்த புதிய கற்காலக் கருவிகள் யாவை?  கல்மணிகள் தாயத்துகள் 7. பண்டைத் தமிழர்கள் வணிகத் தொடர்பு கொண்டிருந்த நாடுகள...
மேலும் படிக்கவும்

சிற்றிலக்கியம் தோற்றம் வளர்ச்சி

-
                                              சிற்றிலக்கியம் தோற்றம் வளர்ச்சி தமிழ் இலக்கிய வரலாற்று மரபில் ஒவ்வொரு காலகட்டத்திலும் ஒவ்வொரு இலக்கிய வகை மரபு தோன்றிக்கொண்டிருப்பதினைக் காணலாம். சங்க இலக்கியம், நீதி இலக்கியம், காப்பிய இலக்கியம், பக்திஇலக்கியம் போன்று சிற்றிலக்கியமும் ஓர் இலக்கிய வகையாகத் தமிழ் இலக்கிய வரலாற்றில் தனித்த இடம்பெற்றுத் திகழ்கின்றது. Ø   அறம், பொருள், இன்பம், வீடு என்னும் நான்கு உறுதிப் பொருள்களையும் வலியுறுத்தி மக்களை நல்வழிப்படுத்தும் இலக்கியங்கள் பேரிலக்கியங்கள் எனப்படுகின்றன. Ø   இந்நான்கு உறுதிப் பொருள்களுள் ஒன்றையோ சிலவற்றையோ கொண்டு குறைந்த பாடல் எண்ணிக்கையில் அல்லது அடிகளின் எண்ணிக்கையில்     சிற்றிலக்கியம் எனலாம். Ø   அகப்பொருள், அல்லது புறப்பொருளில் ஏதேனும் ஒரு துறையைப் பற்றியதாக அமையும். Ø   கோவை போன்ற சில சிற்றிலக்கியங்கள் பல துறைகளைக் கொண்டும் காணப்பெறுகின்றன. Ø   சிற்றிலக...
மேலும் படிக்கவும்