சிறப்புத் தமிழ் - வைரமுத்து - நிலத்தை ஜெயித்த விதை

-

 

வைரமுத்து குறிப்பு தருக.

பிறந்த இடம் : தேனி மாவட்டம், வடுகபட்டி

பெற்றோர்  : ராமசாமி - அங்கம்மாள்

 இவர் எழுதிய நூற்கள் : வைகறை மேகங்கள், திருத்தி எழுதிய தீர்ப்புகள், இன்னொரு தேசியகீதம், எனது பழைய பனையோலைகள், கவிராஜன் கதை, இரத்த தானம், இந்தப் பூக்கள் விற்பனைக்கல்ல, தமிழுக்கு நிறமுண்டு, பெய்யெனப் பெய்யும் ம‌ழை, "எல்லா நதிகளிலும் எங்கள் ஓடங்கள்

விருதுகள் :

கலைமாமணி விருது - 1990.

சாகித்ய அகாதமி விருது -2003. (நாவல்: கள்ளிக்காட்டு இதிகாசம்)

பத்ம பூசன் விருது (2014)

சிறந்த தமிழ்த் திரைப்படப் பாடலாசிரியருக்கான தேசிய விருது (ஆறு முறை).

நிலத்தை ஜெயித்த விதை

அது எப்படி?

எட்டயபுரத்தில் மட்டும்

ஒருத்திக்கு

நெருப்பைச் சுமந்த் கருப்பை?

அது கூடச் சாத்தியம்தான்

ஆனால்- இது எப்படி

ஏகாதிபத்திய எரிமலையை

ஒரு

தீக்குச்சி சுட்டதே

இது எப்படி?

உன் பேனா

தமிழ்த் தாயின் கூந்தலுக்குச்

சிக்கெடுத்தது!

கிழிசல் கோட்டு

கவிதா தேவிக்குப்

பீதாம்பர மானது

உன் எழுத்தில்தான்

முதன்முதலில்

வார்த்தை வாக்கியத்தைப் பேசியது.

உன் பாதங்களுக்குப்

பூச்சொரிவது – எங்கள்

பொறுப்பு.

ஆனால் பொறு.

உன் பாதங்களில்

சொரிவதற்கு

எங்கள்

பூக்களைக் கொஞ்சம்

புனிதப்படுத்திக் கொள்கிறோம்.

 வைரமுத்து பாரதியாரை எவ்வாறு போற்றுகிறார் என்பதை நிலத்தை ஜெயித்த விதை கவிதை மூலம் விளக்குக.

  • பாரதியார் சொல்லிலும் செயலிலும் நெருப்புப் போன்றவர். 
  • அவரது சுதந்திரப் பாடல்கள் ஆங்கிலேயருக்கு எதிராக நெருப்பாகச் சுடர்விட்டு எரிந்தது. 
  • பாரதி என்னும் தீக்குச்சி அந்நிய ஏகாதிபத்திய எரிமலையைத் தனி ஒருவனாக நின்று நெருப்புப்பொறியைப் பற்ற வைத்தார். 
  • ஒரு சிறிய விதை நிலத்தை பிளந்து வெளியே வர பூமியின் அடியில் போராடி வெளிவருகிறது.
  • அவ்வாறு வெளி வரும் விதையே முளைவிட்டு வெற்றி பெற்று தன் கிளைகளை எங்கும் பரப்புகிறது.
  • எட்டயப்புரத்தில் முளைத்த விதை உலகெங்கும் தமிழன்னையின் புகழைப் பரப்பிய பெருமையுடையது. 
  • கவிதைகளுக்குரிய வளமையின்றி சில நூற்றாண்டுகளாக உறங்கிக் கிடந்த தமிழன்னை பாரதியின் வருகையால் உறக்கம் கலைந்து புத்துயிர் பெற்றாள். 
  • உரிமையும் மகிழ்ச்சியும் கண்டுவிட்ட துடிப்பில் பாரதியின் தோள்களில் சோம்பல் முறித்தாள். 
  • பாரதியின் எழுதுகோல் எளிமை, இனிமை பெற்று தரணியெங்கும் விரிந்து சென்றாள். 
  • அவருடைய கிழிந்த ஆடையே கவிதைத் தாய்க்குப் பட்டாடையாக ஆனது. 
  • பாரதியைப் போற்ற வேண்டியது கவிஞர்களின் கடமை. 
  • கவிதைப் பூக்களால் அருடைய பாதங்களுக்குப் பூசை செய்ய வேண்டும் என்பது கவிஞரின் எண்ணம். 
  • ஆனால் பாரதியைக் பாராட்டிப் பாத பூசை செய்வதற்குக் கவிதை சிறப்பு பெற வேண்டும்.  
  • உண்மை, தூய்மை கொண்டு தீக்கங்கை உருவாக்க வேண்டும் என்று கூறுகின்றார் கவிஞர் வைரமுத்து.

 ................................................................................................................

 

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

இருபதாம் நூற்றாண்டு மரபுக் கவிஞர்கள் மற்றும் மரபுக் கவிதைகள் வளர்ச்சி

-
  மரபுக் கவிதைகள் தோற்றமும் வளர்ச்சியும் முன்னுரை மரபுக்கவிதை காலத்தால் முந்தியது. பல்வேறு இலக்கிய நூல்களாக இருபது நூற்றாண்டுகளுக்கும் மேலாகத் தழைத்து விளங்கும் சிறப்புடையது. இத்தகைய சிறப்பு உடைய மரபுக்கவிதைகளைப் படைத்த இருபதாம் நூற்றாண்டு கவிஞர்கள் இக்கட்டுரை விளம்புகிறது. தோற்றம் நமக்குக் கிடைத்துள்ள நூல்களுள் மிகவும் தொன்மையானதாக விளங்குவது தொல்காப்பியம் என்னும் இலக்கண நூலாகும். இந்நூல் மூவாயிரம் ஆண்டுகளுக்கு முற்பட்டதாகக் கருதப் பெறுகின்றது. இதற்கும் முந்தையனவாக இலக்கண நூல்கள் இருந்திருக்கின்றன. அவ்விலக்கண நூல்கள் ‘எள்ளிலிருந்து எண்ணெய் எடுக்கப்படுவது போல ’ இலக்கியத்திலிருந்து இலக்கண நூல்கள் ஏற்படுகின்றன என்னும் விதிக்கு இணங்க, செய்யுள் என்னும் கவிதை வடிவம் ஐயாயிரத்திற்கும் மேற்பட்ட ஆண்டுக்காலத் தொன்மையுடையது என உறுதிபடக் கூறலாம். வெண்பா, ஆசிரியப்பா, கலிப்பா, பரிபாடல் ஆகிய யாப்பு வகைகளின் இலக்கணங்களைப் பின்பற்றிப் பாடும் கவிதைகள் மரபுக் கவிதைகள் ஆகும்.   பாக்களையடுத்துப் பாவினங்களும், அவற்றையடுத்துக் கும்மி, சிந்து போன்றனவும் மரபுக் கவிதை வடிவங்களில் பயன்படுத்தப்...
மேலும் படிக்கவும்

III SEM - TWO MARKS QUESTION & ANSWER

-
மூன்றாம் பருவம்  இரண்டு மதிப்பெண் வினா விடைகள் 1. தொல் தமிழர் வரலாற்றை அறிய உதவும் சான்றுகள் யாவை? வரலாற்றுக்கு முந்திய காலம் தொல் தமிழர் காலம் இக்காலத்தில் வாழ்ந்த மனிதன் விட்டுச் சென்ற படிமங்கள், எலும்புக்கூடுகள் புதைப்பொருள்கள்  ஆகியன தொல் தமிழர்களின் வரலாற்றை அறிய உதவுகின்றன. 2. வரலாற்றுக்கு முற்பட்ட காலத்தின் மூன்று வகைப் பிரிவுகள் யாவை?  பழைய கற்காலம் (கி. மு. 1000 - கி.மு. 40000) புதிய கற்காலம் (கி.மு. 3000 - கி.மு. 1500) உலோகக் காலம் (கி.மு. 1500 - கி.மு. 600) 3. தமிழகத்தில் கிடைத்த பழங்கற்காலக் கருவிகள் யாவை? கற்கோடரிகள் உளிகள் கூழாங்கற்கள் 4.  பழங்கற்காலக் கருவிகள் கிடைத்த இடங்களைக் குறிப்பிடுக. சென்னை பல்லாவரம் காஞ்சிபுரம் திருவள்ளூர் வேலூர் மதுரை 5. பழங்கற்கால மக்கள் வாழ்ந்த இடங்கள் யாவை? வட இந்தியாவின் சிவாலிக் குன்றுகள் மத்தியபிரதேசம் பிம்பேட்கா நர்மதை பள்ளத்தாக்கு ஆந்திரா கர்நூல் சென்னை அத்திரம்பாக்கம் 6. தமிழகத்தில் கிடைத்த புதிய கற்காலக் கருவிகள் யாவை?  கல்மணிகள் தாயத்துகள் 7. பண்டைத் தமிழர்கள் வணிகத் தொடர்பு கொண்டிருந்த நாடுகள...
மேலும் படிக்கவும்

சிற்றிலக்கியம் தோற்றம் வளர்ச்சி

-
                                              சிற்றிலக்கியம் தோற்றம் வளர்ச்சி தமிழ் இலக்கிய வரலாற்று மரபில் ஒவ்வொரு காலகட்டத்திலும் ஒவ்வொரு இலக்கிய வகை மரபு தோன்றிக்கொண்டிருப்பதினைக் காணலாம். சங்க இலக்கியம், நீதி இலக்கியம், காப்பிய இலக்கியம், பக்திஇலக்கியம் போன்று சிற்றிலக்கியமும் ஓர் இலக்கிய வகையாகத் தமிழ் இலக்கிய வரலாற்றில் தனித்த இடம்பெற்றுத் திகழ்கின்றது. Ø   அறம், பொருள், இன்பம், வீடு என்னும் நான்கு உறுதிப் பொருள்களையும் வலியுறுத்தி மக்களை நல்வழிப்படுத்தும் இலக்கியங்கள் பேரிலக்கியங்கள் எனப்படுகின்றன. Ø   இந்நான்கு உறுதிப் பொருள்களுள் ஒன்றையோ சிலவற்றையோ கொண்டு குறைந்த பாடல் எண்ணிக்கையில் அல்லது அடிகளின் எண்ணிக்கையில்     சிற்றிலக்கியம் எனலாம். Ø   அகப்பொருள், அல்லது புறப்பொருளில் ஏதேனும் ஒரு துறையைப் பற்றியதாக அமையும். Ø   கோவை போன்ற சில சிற்றிலக்கியங்கள் பல துறைகளைக் கொண்டும் காணப்பெறுகின்றன. Ø   சிற்றிலக...
மேலும் படிக்கவும்