பண்டைய தமிழரின் கல்வியும் கலைகளும்
கல்வியும் கலைகளும்
முன்னுரை
தொடக்க
காலத்தில் குகைகள் வழியாகத் தொடங்கிய கல்வியானது சங்க காலத்தில் வழங்கப்பட்ட தன்மை
குறித்து இங்கு விளக்கப்படுகிறது.
- பண்டைத் தமிழர் கல்வி கற்பதிலும் கற்பிப்பதிலும் ஈடுபட்டதற்குச் சான்றுகள் இல்லை
- ஆனாலும் அவர்கள் தங்களது பட்டறிவின் வெளிப்பாடாகக் குகைகளில் வரைந்து வைத்துள்ள ஓவியங்கள் வழியாகக் கற்றலையும் கற்பித்தலையும் தொடங்கினர் எனலாம்
- தங்களுக்குப் பின்பு அந்தக் குகைகளில் தங்க வருபவருக்கு அவர்கள் ஒவியங்கள் வரைந்து வைத்து வழிகாட்டியுள்ளனர்
- இதனால் ஓவியக்கலை வளர்ந்தது எனலாம்.
கல்வியின் பயன் அறிதல்
- பாமர மக்களும் கல்வியறிவு அல்லது எழுத்தறிவு பெற்றனர்
- இதற்குச் சான்றாக,
- கீழடி அகழாய்வில் கிடைத்த எழுத்து பொறிக்கப்பட்ட பானை ஓடுகள்,
- புலிமான் கோம்பை உள்ள கல்வெட்டுகள் ஆகியனவற்றைச் சான்றாகக் கொள்ளலாம்.
- சங்ககாலத்தில் தமிழர் கல்வியின் சிறப்பை நன்கு உணர்ந்திருந்தனர்.
- திருக்குறளில் கல்வியைப் பற்றிப் பேசும் அதிகாரங்கள் நான்கு உள்ளன.
- அவற்றில் கல்வி எவ்வாறு கற்க வேண்டும் என்று குறிப்பிடப் பெற்றுள்ளன. அவையாவன :-
- குற்றமற கற்க வேண்டும்,
- கற்றபின் அதன்படி நடக்க வேண்டும்,
- கற்றவர்களுக்கு உலகம் முழுவதும் தன் சொந்த ஊராகவே தோன்றும்
- கல்விச்செல்வம் ஒன்றே அழியாச் செல்வம்,
- கல்லாதவன் மேனியழகு ஒரு பொம்மைக்கு நிகரானது,
- கல்வியை விட கேள்வியே மேம்பட்டது,
- யார் எது சொன்னாலும் அதன் உண்மை பொருளை அறிவதே நல்லறிவு என்பனவாகும்.
- கல்வி பயிலும் உரிமை சங்ககாலத்தில் அனைவருக்கும் உரியதாக இருந்தது
- எல்லா குல மக்களும் கல்வி கற்றனர்
- வறியவர்,
- மன்னர்
- எளிய குடிமக்களில் ஆண்களும் பெண்களும் தேடிக் கல்வி பயின்றனர்.
- இளைஞர்கள் திருமணம் ஆன பிறகும் தங்கள் மனைவியைப் பிரிந்து சென்றும் கல்வி கற்றனர்.
- இளமையிலேயே கல்வி பயிற்சியைத் தொடங்கினர்
- இதனால் இளமையில் கல் என்றனர்.
- நாற்குலத்தில் கீழ்க்குலத்தில் பிறந்தவரையும் உயர்த்தும் தன்மை உடையது கல்வி
- இத்தகைய கல்வியை வழங்குவது தந்தையின் கடமையாக இருந்தது
- அறிஞர் அவையின் வரிசையில் தன் மகனை அமரச் செய்வது தந்தையின் கடமை என்பதோடு தமிழர் அறமாகப் போற்றப்பட்டது.
- கல்வி கற்றவர் எந்த வேறுபாடு இல்லாமல் சமூகத்தாரால் மதிக்கப் பெற்றிருந்தார்.
- உற்றுழி உதவியும் உறுபொருள் கொடுத்தும் ஆசிரியரிடம் அடக்கமாகும் அன்பாகவும் கல்வி கற்க வேண்டும்.
- கல்வி பயிற்சிக்கு வறுமை மேற்பகையாகும்.
- மாணவர்கள் கல்விப் பயிலும் போது இரந்து உண்ணும் வழக்கம் அக்காலத்தில் இருந்து வந்துள்ளது
- இரந்துண்டு கல்வி கற்றல் உயர்ந்த பண்பாடாகக் கருதப்பட்டது.
கல்வி கற்பிக்கும் இடம்
- ஒவ்வொரு ஊரிலும் பள்ளிகள் நடைபெற்றதாகத் தகவல் ஏதுமில்லை
- கல்வி பயிற்றப்படும் இடம் பள்ளி எனப்பட்டது.
- பெரும்பாலும் திண்ணைகளிலேயே பள்ளிகள் நடைபெற்று வந்தன.
கல்வி கற்பிக்கும் ஆசிரியர்
- கல்வி கற்பிக்கும் ஆசிரியருக்குக் கணக்காயர் என்று பெயர்.
- கணக்காயர் இல்லாத ஊரில் வாழ்தல் நன்மை பயத்தல் இல்லை என்று சங்க நூல்கள் கூறுகின்றன.
- பல குலத்தைச் சார்ந்த புலவர்கள் தமிழகம் எங்கும் இருந்துள்ளனர்
- அவர்கள் மன்னர் உதவியுடன் மதுரையில் சங்கம் நிறுவித் தமிழ் வளர்த்துள்ளனர்
- அப்புலவர்கள் பாடிய பாடல்களைக் கேட்டுக் கற்றுணர்ந்து பண்பட்டு வாழ்ந்த பொதுமக்கள் நாடெங்கும் நிரம்பி இருந்தனர்.
- தமிழ் மன்னர்கள் மட்டும் அல்லாமல் தமிழ்ப் புலவர்களும் மக்களின் பாராட்டையும் மதிப்பையும் பகிர்ந்து கொண்டனர்.
குலபதி நக்கண்ணனார்
- இவர் சங்க கால ஆசிரியர்
- இவர் கிடங்கில் (தற்போது திண்டிவனம்) என்ற ஊரில் வாழ்ந்தவர்
- இவர் ஆயிரத்திற்கு மேற்பட்ட மாணவர்களை ஒன்று கூட்டி அவர்களுக்கு கல்வி அளித்துள்ளார் என்று குறுந்தொகை 252 ஆம் பாடல் குறிப்பிடுகிறது.
- குலபதி என்ற பட்டம் பதினாயிரம் மாணவர்களுக்குப் பாடம் கற்பித்த ஆசிரியர்களுக்கு வழங்கப்பட்டது.
கல்வியின் பயன்
- கல்வியின் பயன் கடவுளை அறிதலே என்ற கொள்கை வலியுறுத்தப்பட்டது.
- ஆசிரியர்களுக்குப் பொருள் கொடுத்தும் தொண்டுகள் புரிந்தும் மக்கள் கல்வி பயின்றனர்
- கற்ற கல்வியைச் சான்றோர்கள் முன்னிலையில் அரங்கேற்றும் வழக்கம் இருந்தது
கல்வித் திறமையை வெளிப்படுத்தும் முறைகள்
- சங்க காலத்தில் கல்விப் புலமையில் சிறந்த விளங்கிய கபிலர், பரணர், திருவள்ளுவர், நக்கீரர் போன்ற பெரும் புலவர் பலர் வாழ்ந்து வந்தனர்.
- ஒருவருடைய புலமையை அறிஞர்கள் எளிதில் ஒப்புக்கொள்வதில்லை.
- அவருடைய பாடல்களையோ நூல்களோ தமிழ் சங்கத்தார் முன்பு அரங்கேற்றம் செய்ய வேண்டும்.
- அவ்வரங்கேற்றத்தில் சங்கப் புலவர்கள் அனைவரும் அப்புலவரின் புலமையை ஒப்புக்கொள்ள வேண்டும்.
- கூத்தும் இசையும் மன்னரின் முன்பு அரங்கேற்றப்பட்டன
- பல துறைகளில் புலமை சார்ந்த பேரறிஞர்கள் வாழ்ந்தனர்
- அவர்கள் போலி ஆசிரியரை அறைகூவல் விடுத்து அவர்களுடன் சொற்போர் நடத்தி அவர்களைத் தோல்வியுறச் செய்து நல்லறிவு புகட்டினர்
- இந்த சொற்போர் வழக்கம் அக்காலத்தில் புலமையைச் சோதிக்கும் வழக்கமாக இருந்துள்ளது
சங்க காலத்தில் மாணவர்கள் கற்ற நூற்கள்
- மாணவர்கள் இலக்கண நூல்களைக் (தொல்காப்பியம், காக்கைபாடினியம்) கற்றனர்.
- ஏரம்பம் என்ற கணித நூலையும் கற்றுள்ளனர்.
- அந்த நூல் இப்போது மறைந்து போயிற்று.
- கணிதத்தில் மிக நுண்ணிய அளவையும்
- மிகப் பெரிய அளவையும் கற்றுள்ளனர்
தேர்த்துகள்
- மிக நுண்ணிய நீட்டல் அளவைக்குத் தேர்த்துகள் என்று பெயர்.
- இருண்ட அறை ஒன்றன் கூரையிலிருந்து பாயும் சூரிய கதிர் ஒளியில் மிதந்தோடும் துகள் எட்டுக் கொண்டது ஒரு தேர்த்துகள் ஆகும்.
- மிகப்பெரிய எண் அளவை வெள்ளம் என்று குறிக்கப் பெற்றுள்ளது
சங்க கால வானவியல் அறிவு
- அக்கால மக்களுக்கு வானியல் புலமையும் இருந்தது.
- வானவியல் புலவர்கள் கணிகள் என்று பெயர்.
- கோள்கள், அவற்றின் செலவுகள், நாண்மீன்கள், திங்களின் இயக்கம் ஆகியவற்றை அவர்கள் அறிவர்.
- நாண்மீன்கள், கோள்கள், திங்கள்கள் ஆகியவற்றிற்கு தனித்தமிழ் பெயர் வழங்கினர்
- இதன் மூலம் பழந்தமிழரின் வானவியல் அறிவை நன்கு உணரலாம்.
- ஞாயிறு, திங்கள், செவ்வாய், புதன், வியாழன், வெள்ளி, சனி, ராகு கேது ஆகியவற்றை கோள்கள் என்கிறோம்.
- இக்காலத்து வானவியலார் ஞாயிறு, திங்கள், ராகு, கேதுக்களை கோள்களின் பட்டியலிலிருந்து நீக்கியுள்ளனர்.
- செவ்வாய், புதன், வியாழன், வெள்ளி, சனி இவைந்தையும் கோள்களின் கணக்கில் சேர்த்துள்ளனர்
- நாம் வசிக்கும் இவ்வுலகம் ஒரு கோள்தான் என்னும் உண்மையை அவர்கள் அறியவில்லை
- ஓர் ஆண்டை 12 மாதங்களாகப் பிரித்துப் பெயரிட்டு வழங்குவது வியப்பிற்கு உரியது
- தமிழரின் ஆண்டானது கதிரவனின் செலவைக் கணக்கிட்டு அறுதியிடப்பட்டது.
- எனவே ஓராண்டில் 12 திங்கள்களுக்கு மேலே இரா.
- ஆனால் சந்திரனின் ஓட்டத்தைக் கொண்டு அமைந்த ஆண்டில் 12 திங்களுக்கு மேலும் வருவதுண்டு.
- ஒரே மாதம் ஓராண்டில் இரட்டித்து வருவதுமுண்டு.
- இக் குழப்பங்கள் தமிழரின் ஆண்டு கணக்கில் வருவதில்லை.
- சூரியன் எந்த ராசியில் எத்தனை நாள் நிற்கின்றானோ அத்தனை நாளையும் ஒரே ராசியாக வழங்கியுள்ளனர்
- எடுத்துக்காட்டுகள் : சித்திரை நாண்மீனில் நிலவு முழுமை அடையும் திங்களுக்கு சித்திரை என்று பெயர்.
- விசாகத்தில் சந்திரன் முழுமதி ஆகும் மாதத்திற்கு வைகாசி என்ற பெயர்.
- தமிழர் சோதிடக் கலையிலும் வல்லுநராகக் காணப்பட்டனர்.
- இவர்கள் கணிகர் என்றழைக்கப்பட்டனர்
- கோள்கள், மீன்கள் ஆகியவற்றின் நிலைகளைக் கொண்டு வருங்கால நிகழ்ச்சிகளைக் கணித்துக் கூறினர்
முடிவுரை
சங்க கால
மக்கள் கல்வியறிவு பெற்றிருந்தனர். அக்காலத்தில் இலக்கணம், கணித நூற்கள், அளவை நூற்கள்
ஆகிய கல்வியும் கலைகளும் சிறப்பிடம் பெற்றிருந்தன என்பதை அறிய முடிகிறது.
-----------------------------------------------------------------------------------------------------
கருத்துகள்
கருத்துரையிடுக