வரலாற்றுக்கு முந்தைய காலம் (Pre historic period)

 

தமிழரின் வரலாற்று கால வகைப்பாடு (பிரிவு)

• முதல் மனிதராகிய தமிழரின் வரலாற்றைக் கால அடிப்படையில், 1.  வரலாற்றுக்கு முந்தைய காலம் (Pre historic period),                 2. வரலாற்றுக் காலம் (Historic period)                                                            என இரு பெரும் பிரிவுகளாகப் பிரித்துக் காணலாம்.
• எழுத்துச் சான்றுகள் தோன்றுவதற்கு முந்தைய காலத்தை வரலாற்றுக்கு முந்தைய காலம் அல்லது தொல் பழங்காலம் எனலாம்.
• எழுத்து தோன்றி அதனை அடிப்படை சான்றாகக் கொண்டு விளங்கும் காலத்தை வரலாற்றுக் காலம் எனவும் வகைப்படுத்தலாம்.

வரலாற்றுக்கு முந்தைய காலம் (Pre historic period)

• வரலாற்றுக்கு முந்தைய காலம் என்பது மனிதன் உடல் அளவிலும் மன அளவிலும் பல வகையில் படிப்படியாக மேம்பட்டுக் கொண்டிருந்த காலமாகும். 
• இந்த காலம்தான் வரலாற்றில் நீண்ட பெருங்காலமாக இருந்துள்ளது. இக்காலத்தில் தான் உலகம் பல்வேறு மாற்றங்களுக்கு உட்பட்டது.
• உணவு திரட்டுதல், விலங்குகளை வேட்டையாடுதல், உணவு விளைவித்தல், விலங்குகளைப் பழக்குதல் வரைவிலான செயல்கள் வரலாற்றுக்கு விளக்கமாக அமைந்திருந்தன. 
• இக்காலம் வரலாற்றுக்கு முந்தைய காலமாகும்.
• வரலாற்றுக்கு முந்தைய கால வரலாற்றை அறிவதற்கு எழுத்து வடிவ சான்றுகள் இல்லை. 
• அக்காலத்தில் வாழ்ந்த மக்கள் விட்டுச் சென்ற கற்கள், பானை ஓடுகள் மற்றும் உலோகத்தால் ஆன கருவிகள், ஓவியங்கள், எலும்புகள் முதலியவை கிடைத்துள்ளன. 
• இவற்றின் உதவியுடனும் இலக்கியச் சான்றுகள், மொழி ஆய்வு, சமூகவியல், மானிடவியல் ஆகியவற்றின் துணையுடன் வரலாற்றுக்கு முற்பட்ட காலத்தில் வாழ்ந்த மக்களைப் பற்றி அறியலாம்.

வரலாற்றுக்கு முந்தைய காலம் (Pre historic period)

தொல் தமிழர்களின் வரலாற்றுக்கு முந்தைய காலத்தை,

1. பழைய கற்காலம் (Palaeolithic Age) – கி.மு. 5 இலட்சம் முதல் ஒரு லட்சம் ஆண்டுகள் வரை
2. புதிய கற்காலம் (Neolithic Age) - கி.மு. ஒரு லட்சம் முதல் 30,000 ஆண்டுகள் வரை
3. உலோகக் காலம் (பெருங்கற்காலம்) (Megalithic Age) – கி.மு. 30,000 ஆண்டுகள் முதல் 300 ஆண்டுகள் வரை

என வகைப்படுத்தலாம்.

..........................................................................................................................................